Türkmen paýtagtynda Aşgabat şäher häkimliginiň hem-de ýurdumyzyň Söwda-senagat edarasynyň guramagynda «Ak şäherim Aşgabat» atly XXII köpugurly halkara sergi geçirilýär.
Serginiň diwarlyklarynda gurluşyk we binagärlik, energetika, gaýtadan işlenilýän senagat, şäher desgalaryny döwrebaplaşdyrmak, ulag-aragatnaşyk, medeniýet, syýahatçylyk, sport ulgamlaryny ösdürmek ýaly ugurlarda gazanylan üstünlikler şöhlelendirilýär.
Gözden geçirişiň halkara formaty hoşniýetlilik güýçlerini bir ýere jemlemekde iri merkeze öwrülýän, ählumumy ösüşiň we abadançylygyň bähbidine köptaraplaýyn hyzmatdaşlygy berkitmäge çalyşýan türkmen paýtagtynyň parahatçylyk söýüjilikli hukuk ýagdaýyny tassyklaýar diýip, TDH habar berýär.
