Şu gün Türkmenistanyň Konstitusiýanyň kabul edilmeginiň we Döwlet baýdagynyň döredilmeginiň 31 ýyllygy bellenilýär. Ýurdumyzyň taryhynda möhüm orun eýeleýän şanly sene mynasybetli hormatly Prezidentimiz Serdar Berdimuhamedow watandaşlarymyza Gutlag bilen ýüzlendi.
«Döwleti dolandyrmakda, demokratik, adalatly jemgyýeti gurmakda, toý-baýramlarymyzy, şanly senelerimizi ýokary derejede geçirmekde toplan tejribämize daýanyp, Esasy Kanunymyzyň we Döwlet baýdagymyzyň gününi mähriban halkymyzda belent watansöýüjilik döredýän, täze üstünliklere ruhlandyrýan milli baýram hökmünde belleýäris» diýlip, TDH-nyň saýtynda ýerleşdirilen Gutlag hatynda bellenilýär.
