12-nji maýda Lebap welaýatynyň taryhy we ülkäni öwreniş muzeýinde Türkmenistandaky ilkinji ÝUNESKO Burçy açyldy diýip, «Turkmenportal» neşiri habar berýär.
Bu waka şu ýyl bellenilýän möhüm seneler – Türkmenistanyň ÝUNESKO-nyň agzalygyna kabul edilmeginiň otuz ýyllygy we ÝUNESKO-nyň «Maddy däl medeni mirasy goramak barada» Konwensiýasynyň kabul edilmeginiň 20 ýyllygy mynasybetli Türkmenabatda geçirilen dabaraly çärelere bagyşlandy.
ÝUNESKO Burçunda türkmen halkynyň ÝUNESKO-nyň Adamzadyň maddy däl medeni mirasynyň sanawyna girizilen medeni gymmatlyklary baradaky maglumatlar, bu mowzukdaky dürli edebiýatlar saklanýar. Bu ýerde ÝUNESKO-nyň Medeni mirasy goramak barada Konwensiýalarynyň ýazgylary we wagtlaýyn mowzuklaýyn serginiň eksponatlary bilen hem tanyşmak mümkindir.
