Hormatly Prezidentimiz Serdar Berdimuhamedowyň Kararyna laýyklykda, derman serişdeleri we lukmançylyk enjamlary, azyk we dokma önümleri ýüklenen ynsanperwer kerweni 2023-nji ýylyň 11-nji maýynda Türkmenistandan Owganystana ugrady diýip, Türkmenistanyň DIM-niň saýtynda habar berilýär.
Şeýle hem Türkmenistanyň Prezidentiniň Karary bilen, bu ynsanperwerlik çäresiniň çäklerinde Türkmenistanyň Saglygy goraýyş we derman senagaty ministrliginiň lukman işgärleriniň bir topary 2016-njy ýylda Hyrat welaýatynyň Turgundy obasynda Türkmenistan tarapyndan gurlan çaga dogrulýan öýünde lukmançylyk-maslahat beriş kömegini amala aşyrmak üçin şu ýylyň 15-nji maýynda ynsanperwer kömek hökmünde gider.
