4-nji maýda geçirilen Ministrler Kabinetiniň mejlisinde şu ýylyň geçen dört aýynda ykdysadyýetimiziň pudaklarynda alnyp barlan işleriň netijelerine seredildi diýip, TDH habar berýär.
Ministrler Kabinetiniň Başlygynyň orunbasary B.Annamämmedow pudaklaýyn düzümlerde alnyp barlan işler barada hasabat berdi. Ýanwar — aprel aýlarynda Energetika ministrligi önümleri öndürmegiň, işleri ýerine ýetirmegiň we hyzmatlaryň meýilnamasyny 108,5 göterim berjaý etdi. Elektrik energiýasyny öndürmegiň ösüş depgini 102,4 göterime deň boldy.
