30-njy aprelde Türkmenistanda Türkmen bedewiniň milli baýramy mynasybetli giň gerimli dabaralar geçirildi. Şanly senäniň hormatyna Halkara ahalteke atçylyk sport toplumynda hormatly Prezidentimiz Serdar Berdimuhamedowyň gatnaşmagynda esasy baýramçylyk çäreleri ýaýbaňlandyryldy diýip, TDH habar berýär.
Baýramçylyk güni dürli aralyklara at çapyşyklarynyň ýedisi geçirildi. Olara baýramçylyk mynasybetli ýokary derejede seýislenen we seçilip alnan bedewler gatnaşdyryldy.
Türkmenistanyň Prezidenti Serdar Berdimuhamedowyň «Akhan» diýen baş baýragyny hem-de göçme kubogy almak ugrunda geçirilen çekeleşikli çapyşykda Türkmenistanyň Prezidentiniň Ahalteke atçylyk toplumyna degişli Nowruz atly bedew ýeňiji boldy. Ony ussat çapyksuwar B.Agamyradow çapdy.
