15-nji aprelde hormatly Prezidentimiz Serdar Berdimuhamedow sanly ulgam arkaly Ministrler Kabinetiniň mejlisini geçirdi. Onda wise-premýerleriň, welaýatlaryň we Aşgabat şäheriniň häkimleriniň şu ýylyň birinji çärýeginde ýerine ýetirilen işleriň netijeleri baradaky hasabatlary diňlenildi. Şeýle hem ýurdumyzy durmuş-ykdysady taýdan ösdürmegiň möhüm meselelerine garaldy diýip, TDH habar berýär.
Mejlisiň dowamynda Energetika ministrliginiň alyp barýan işleri barada habar berildi, ýanwar – mart aýlarynda önüm öndürmegiň, işleri we hyzmatlary ýerine ýetirmegiň meýilnamasyny 110,1 göterim üpjün edildi. Elektrik energiýasynyň öndürilişiniň ösüş depgini 101,7 göterime barabar boldy.
