Türkmenistanyň Energetika ministrligi Türkmenbaşy ýylylyk elektrik merkeziniň suwy taýýarlaýyş ulgamynyň taslamasyny düzmek we gurmak boýunça halkara bäsleşik yglan edýär.
Bäsleşige gatnaşmak üçin:
- Türkmenistanyň energetika ministriniň adyna gatnaşyjynyň doly adyny, hukuk ýagdaýyny, bellige alnan ýurduny we rekwizitlerini görkezmek bilen ýazmaça arza tabşyrmaly;
- Türkmenistanyň Energetika ministrliginiň ösüş, täze tehnologiýalar we toplumlaýyn gurluşyk bölüminden lotuň häsiýetnamasyny we tehniki talaplary almaly. Binanyň salgysy: Türkmenistan, Aşgabat ş., 2022-nji köç., 55-nji jaý;
- lot üçin 1500 amerikan dollary möçberinde (GBS-i we bank harajatlaryny hasaba almazdan) tölegi töläp, bäsleşik resminamalarynyň bukjasyny almaly.
Basleşik teklipleri 2023-nji ýylyň 13-nji apreline çenli (ýerli wagt bilen sagat 16:00-a çenli) kabul edilýär.
Bäsleşik teklipli bukjalar hasaba pul serişdeleri geçirilenden soňra seljerilip başlanýar.
Habarlaşmak üçin telefon belgileri: 37-94-31, 37-94-33.
