19-njy ýanwarda Aşgabatda geçirilen Türkmen-rus işewürlik maslahatynyň çäklerinde elektroenergetika ulgamynda mundan beýläk hem hyzmatdaşlyk etmegiň meseleleri ara alnyp maslahatlaşyldy.
Hususan-da, häzirki wagtda elektroenergetika ulgamynda Marynyň döwlet elektrik stansiýasyny hem-de Türkmenbaşy şäheriniň ýylylyk elektrik merkezini döwrebaplaşdyrmak işlerine «Silowyýe maşiny» paýdarlar jemgyýetini çekmek boýunça taslamanyň üstünde işlenilýändigi bellenildi.
Şeýle hem Türkmenistanyň Ministrler Kabinetiniň Başlygyň orunbasary Şahym Abdrahmanow bilen Russiýa Federasiýasynyň Hökümetiniň Başlygynyň orunbasary Aleksandr Nowakyň arasynda geçirilen iş maslahatynyň dowamynda Russiýa bilen Türkmenistanyň nebitgaz pudagynda, elektroenergetikada, gaýtadan dikeldilýän energiýa çeşmeleri we parahatçylykly atom ulgamlarynda özara hyzmatdaşlygy ara alnyp maslahatlaşyldy.
Rus kompaniýalarynyň enjamlary ýerlemek boýunça ýerli potratçylary çekmek bilen Türkmenistanyň elektroenergetika ulgamyny döwrebaplaşdyrmakda öz hyzmatlaryny hödürleýändikleri bellenildi.
