Şu gün, 19-njy ýanwarda, Türkmenistanyň Söwda-senagat edarasynda türkmen-rus işewürlik forumy öz işine başlady, oňa gatnaşmak üçin Russiýa Federasiýasynyň uly wekiliýeti Aşgabat şäherine geldi. Çäre iki ýurduň wekiliýetleriniň birbada iki sany «tegelek stoluň» başyndaky duşuşyklary bilen başlandy. Olaryň birinde senagat hyzmatdaşlygynda we gurluşyk önümçiliginde, beýlekisinde bolsa innowasion we maglumat tehnologiýalary, ykdysadyýeti sanlaşdyrmak pudagynda hyzmatdaşlygyň täze mümkinçiliklerini ara alyp maslahatlaşylýar. Agşam wise-premýer, Türkmenistanyň daşary işler ministri Raşid Meredowyň we Russiýa Federasiýasynyň Hökümetiniň Başlygy Mihail Mişustiniň gatnaşmagynda forumyň umumy mejlisi geçiriler.
