Ýetip gelen täze, «Arkadag Serdarly bagtyýar ýaşlar ýyly» şygary bilen atlandyrylan 2023-nji ýylyň ilkinji hepdesi halkara we ýurt möçberinde syýasy ähmiýetli wakalara beslendi diýip, TDH habar berýär.
Bu wakalarda hormatly Prezidentimiz Serdar Berdimuhamedowyň ählumumy parahatçylygyň, howpsuzlygyň we ösüşiň bähbidine strategik hyzmatdaşlygy alyp barmak bilen bagly daşary syýasatynyň ileri tutulýan ugurlary öz beýanyny tapdy. Munuň özi Türkmenistanyň halkara abraýynyň has-da belende göterilmeginiň we özara düşünişmek, hormat goýmak ýörelgeleri esasynda ýola goýulýan netijeli hyzmatdaşlygyň okgunly ösdürilmeginiň esasy şertidir diýlip, TDH-nyň makalasynda bellenilýär.
