Türkmenistanyň Energetika ministrliginiň «Türkmenenergo» döwlet elektroenergetika korporasiýasy Owganystana elektrik energiýasyny ibermek barada «Da Afghanistan Breshna Sherkat» kompaniýasy bilen baglaşan şertnamalarynyň möhletini uzaldar we iberilýän elektrik energiýasynyň möçberini, bahalaryny kesgitlemek barada goşmaça ylalaşyklary baglaşar. Degişli Permana hormatly Prezidentimiz Serdar Berdimuhamedow 23-nji dekabrda geçirilen Türkmenistanyň Hökümetiniň mejlisinde gol çekdi.
Resminama laýyklykda, Energetika ministrligine Adalat ministrligi bilen bilelikde Karardan gelip çykýan üýtgetmeleri we goşmaçalary Türkmenistanyň kanunçylygyna girizmek baradaky teklipleri bir aý möhletde taýýarlamak hem-de Ministrler Kabinetine bermek tabşyryldy.
