14-nji oktýabrda Lebap welaýatynyň dolandyryş merkezinde «Senetçilik we amaly-haşam sungaty dünýä halklarynyň mirasynda» atly halkara festiwalynyň dabaraly ýapylyşy boldy. Döredijilik çäresine gatnaşanlaryň ählisine, ýagny Aşgabatdan, ýurdumyzyň welaýatlaryndan, şeýle hem daşary ýurtlardan – Gazagystandan, Özbegistandan, Eýrandan, Türkiýeden, Latwiýadan we Koreýa Respublikasyndan gatnaşýan senetçilere we suratkeşlere festiwalyň Diplomlary gowşuryldy. Halkara festiwala gatnaşanlar Türkmenistanyň Prezidenti Serdar Bedimuhamedowyň adyna Ýüzlenme kabul etdiler. Onda döwlet Baştutanymyza milli medeni däplerimizi ösdürmäge we baýlaşdyrmaga berýän aýratyn ünsi, şeýle hem forumyň ýokary guramaçylyk derejesi üçin çuňňur hoşallyk bildirdiler. Ýatlatsak, Türkmenistanyň Medeniýet ministrligi tarapyndan guralan we üç gün dowam eden «Senetçilik we amaly-haşam sungaty dünyä halklarynyň mirasynda» atly halkara festiwalynyň çäklerinde köp sanly çäreler geçirildi. Şol sanda: senetçileriň we suratkeşleriň işleriniň sergisi, milli mirasy aýap saklamagyň, öwrenmegiň we wagyz etmegiň möhüm wezipelerine bagyşlanan ylmy-amaly maslahat, milli lybaslaryň görkezilişi, döredijilik duşuşyklary we ussatlyk sapaklary. Daşary ýurtly myhmanlar Amyderýanyň boýundaky şäheriň tanyşdylar.
