Türkmenistan parahatçylyk we ylalaşyk ýagdaýynda ýurdumyzyň Garaşsyzlygynyň 31 ýyllygyny belleýär. 27-nji sentýabrda ir bilen hormatly Aşgabatda Türkmenistanyň Garaşsyzlyk binasyna gül goýmak dabarasy boldy, diýip, TDH habar berýär. Bu dabara hormatly Prezidentimiz Serdar Berdimuhamedow Hökümetiň we Milli Geňeşiň agzalary, jemgyýetçilik guramalarynyň, syýasy partiýalaryň wekilleri, il sylagly ýaşulular, Aşgabatda işleýän diplomatik wekilhanalaryň ýolbaşçylary we baýramçylyk günlerinde ýurdumyza gelen daşary ýurtly myhmanlar gatnaşdylar. Baýramçylyk mynasybetli Döwlet münberi toplumynyň öňündäki meýdançada dabaraly harby ýöriş geçirildi, ol milli telewideniýe tarapyndan göni ýaýlymda görkezildi.
