22-nji sentýabrda Türkmenistanyň Prezidenti Serdar Berdimuhamedow bilen Özbegistan Respublikasynyň Prezidenti Şawkat Mirziýoýewiň arasynda telefon arkaly söhbetdeşlik boldy. Dostlukly ýurduň Lideri döwlet Baştutanymyzy doglan güni bilen mähirli gutlap, berk jan saglyk, uzak ömür, iň ýokary döwlet wezipesinde köptaraply işinde üstünlikleri arzuw etdi. Hormatly Prezidentimiz Serdar Berdimuhamedow Türkmenistanyň Özbegistan Respublikasy bilen gatnaşyklara ýokary baha berip, ýakyn goňşusy, ygtybarly hyzmatdaşy bilen hemmetaraplaýyn hyzmatdaşlygyň ösdürilmegine uly ähmiýet berýändigini nygtady.
