Şu gün, 20-nji sentýabrda Türkmenistanyň Söwda-senagat edarasynyň Sergiler merkezinde Türkmenistanyň Garaşsyzlygynyň 31 ýyllygy mynasybetli ýurdumyzyň ykdysady üstünlikleriniň sergisiniň açylyş dabarasy geçirildi.
Bu waka mynasybetli hormatly Prezidentimiz Serdar Berdimuhamedow baýramçylyk gözden geçirilişine gatnaşyjylara gutlag hatyny iberdi. Döwlet Baştutanymyz «Halkyň Arkadagly zamanasy» şygary astynda geçirilýän ýylda guralýan bu serginiň belent maksatlar bilen öňe barýan ata Watanymyzda milli ykdysadyýetiň kuwwatyny artdyrmakda uly ösüşleriň gazanylýandygynyň aýdyň beýanyna öwrüljekdigine ynam bildirdi.
Gutlagyň doly ýazgysy TDH-nyň saýtynda ýerleşdirildi.
