Türkmenistanyň Prezidenti Serdar Berdimuhamedow Samarkantda geçirilýän Şanhaý Hyzmatdaşlyk Guramasyna agza döwletleriň Baştutanlarynyň Geňeşiniň mejlisine hormatly myhman hökmünde gatnaşýar diýip, TDH habar berýär.
16-njy sentýabrda döwlet Baştutanymyz sammitde çykyş eder, onda ŞHG-niň çäklerinde ösüş gazanmagyň, söwda-ykdysady we medeni-ynsanperwer ugurlarda köptaraplaýyn hyzmatdaşlygy berkitmegyň esasy meseleleri hakynda durlup geçiler.
Duşuşygyň netijeleri boýunça jemleýji resminama gol çekilmegine garaşylýar.
Düýn, 15-nji sentýabrda ŞHG-niň sammitiniň öňüsyrasynda Türkmenistanyň Prezidenti Hytaýyň, Russiýanyň we Özbegistanyň Prezidentleri, şeýle-de ŞHG-niň Baş sekretary bilen ikitaraplaýyn duşuşyklary geçirdi.
