5-nji sentýabrda Türkmenabatdaky «Lebap» döwlet elektrik stansiýasynda Türkmenistanyň energetika pudagynyň işgärleriniň arasynda bäsleşige badalga berildi.
Bäsleşik Türkmenistanyň Energetika ministrligi we pudagyň Kärdeşler arkalaşygy tarapyndan «Lebapenergo» önümçilik birleşiginiň binýadynda geçirilýär.
Çärä ýurdumyzyň ähli welaýatlaryndan we Aşgabat şäherinden energetika işgärleri gatnaşýarlar.
4 günläp dowam etjek bäsleşik pudagyň öňdebaryjy işgärlerini ýüze çykarmaga gönükdirilendir.