Türkmen türgenleri Konýada geçirilen V Yslam raýdaşlygy oýunlarynda jemi 23 medal gazandylar, olaryň hataryna 4 altyn, 6 kümüş we 13 sany bürünç medallar bar. Medallarynyň sany boýunça Türkmenistan 12-nji orny eýeledi diýlip, «Turkmenportal» saýtynda habar berilýär.
Yslam raýdaşlygy oýunlarynyň resmi ýapylyş dabarasy Türkiýäniň Konýa şäherindäki Seljuk uniwersitetiniň «15-nji iýul» stadionynda geçirildi.
Şu ýylda Yslamiada 4 müňden gowrak türgen gatnaşdy. Bäsleşikleriň çäklerinde sportuň 24 görnüşi boýunça jemi 355 medal ugrunda göreşildi.
