Elektrik energiýasynyň önümçiliginde durnukly ösüşiň gazanylýandygyny görmek bolýar. Energetika ministrligi boýunça ýylyň başyndan bäri ýerine ýetirilen işleriň we hyzmatlaryň meýilnamasy 128,4 göterim berjaý edildi.
Elektrik energiýasyny öndürmegiň ösüş depgini 112,8 göterime, daşary ýurtlara iberilen elektrik energiýasynyň ösüş depgini bolsa 141,3 göterime barabar boldy.
Şeýle görkezijiler barada 12-nji awgustda Hazaryň kenarynda zähmet rugsadynda bolýan hormatly Prezidentimiz Serdar Berdimuhamedowyň geçiren Ministrler Kabinetiniň göçme mejlisinde aýdyldy.
Wise-premýer Ç.Purçekow şu ýylyň ýedi aýynda gözegçilik edýän pudaklarynda, şol sanda elektrik energetikasy toplumynda ýerine ýetirilen işleriň netijeleri barada döwlet Baştutanymyza hasabat berdi diýlip, TDH-nyň saýtynda habar berilýär.
