Türkmenistan BMG-niň esasy daşky gurşawy goramak boýunça Konwensiýalaryny we biologiki dürlüligi goramak, çölleşmä garşy göreşmek, howanyň üýtgemeginiň öňüni almak, ozon gatlagyny goramak we ş.m. bilen baglanyşykly teswirnamalaryny tassyklady diýip, «Türkmenistan: Altyn asyr» saýty habar berýär.
Bazel Konwensiýasynyň durmuşa geçirilmegi bilen berk arabaglanyşygy bolan taslamanyň ähmiýeti Ýewraziýanyň üstaşyr geçelgelerinde Türkmenistanyň täsiriniň artmagy, ýurduň çägine howply galyndylaryň getirilmeginiň öňüni almak we umuman, galyndylary netijeli dolandyrmak üçin ýurduň taýýarlygyny üpjün etmegiň zerurlygy bilen baglanyşyklydyr.
Galyndylary dolandyrmak bilen baglanyşykly milli kanunçylyga hünärmenler tarapyndan seljeriş häsiýetli synyň taýýarlanylmagy esasy wezipeleriň biri bolmagynda galýar, şonuň üçin hem taslama häzirki wagtda başlangyç tapgyrda durandyr.
