Türkmenistanyň ýygyndysy 27-nji iýuldan 8-nji awgusta çenli Wladiwostokda 13-16 ýaşly türgenleriň arasynda geçiriljek «Aziýanyň çagalary» atly VII Halkara sport oýunlaryna gatnaşmak üçin Russiýa ugrady diýip, TDH-nyň «Türkmenistan: altyn asyr» saýty habar berýär.
Ýurdumyzyň wekiliýeti 85 adamdan ybarat, şol sanda 62 türgen, 16 tälimçi, basketbol boýunça 1 emin, şeýle-de sporyň dürli görnüşleri boýunça toparlaryň wekilleri we resmi adamlar.
Oýunlara 15 sany ýurtdan, şeýle-de Russiýanyň sekiz sebitinden wekiller gatnaşarlar we sportyň 19 görnüşi boýunça jemi 273 toplum medal ugrunda güýç synanyşarlar.
