20-nji iýulda hormatly Prezidentimiz Serdar Berdimuhamedow paýtagtymyzyň Büzmeýin etrabynda gurlan Energetika enjamlaryny abatlaýyş we hyzmat ediş merkeziniň açylyş dabarasyna gatnaşdy diýip, TDH habar berýär.
Bellenilişi ýaly, türkmen energetika ulgamynyň işgärleriniň durmuşynda ýatdan çykmajak bu waka täze taryhy döwürde döwlet Baştutanymyzyň ylmy taýdan esaslandyrylan energetika strategiýasynyň durmuşa geçirilýändiginiň aýdyň netijesidir.
Häzirki zamanyň iň ösen tehnologiýalary esasynda gurlan täze desga Merkezi Aziýada bu ugurdaky ýeke-täk hyzmat ediş desgasydyr.
Büzmeýin elektrik bekediniň çäginde 2,60 gektar meýdanda ýerleşýän bu özboluşly desganyň gurluşygyny Türkmenistanyň Energetika ministrliginiň «Türkmenenergo» Döwlet elektrotehnika korporasiýansynyň buýurmasy esasynda “Çalyk Enerji” kompaniýasy türkmen hünärmenleri bilen hyzmatdaşlykda amala aşyrdy.
Döwrebap hyzmat ediş merkezi öz mümkinçiliklerimiziň esasynda elektrik beketleriniň kadaly işlemegi üçin energetika enjamlaryny abatlamak we elektrik energiýasynyň dowamly önümçiligi boýunça meýilnamalaýyn işleriň öz wagtynda ýerine ýetirilmegine mümkinçilik berer.
Döwlet Baştutanymyz abatlaýyş, hyzmat ediş işleriniň guralyşynyň ekologik talaplaryna doly laýyk gelýändigini aýratyn nygtady. Merkezde Merkezde Amerikanyň Birleşen Ştatlarynyň «General Eleсtriс» kompaniýasynyň öňdebaryjy tehnologiýalary ornaşdyryldy. Döwrebap merkeziň gurulmagy bilen, bu ýerde 120-den gowrak täze iş orny döredildi. Bu ýerde işlejek hünärmenlr daşary ýurtlarda hünär kämilleşdiriş okuwyny geçdiler.
Açylyş dabarasynyň dowamynda Merkeze birnäçe sertifikatlar gowşuryldy.
