Medeniýet hepdeligi-2022 ýurduň sungat ussatlarynyň konserti bilen jemlendi diýip, TDH habar berýär.
Mary welaýatynyň «Türkmeniň ak öýi» binasynyň ajaýyp zalynda hormatly Prezidentimiz Serdar Berdimuhamedowyň medeniýet we sungat ulgamynyň işgärlerine hem-de Garaşsyz, Bitarap Türkmenistanyň halkyna iberen Gutlagy belentden ýaňlandy.
Medeniýet hepdeligine gatnaşyjylar hormatly Prezidentimiz Serdar Berdimuhamedowyň adyna Ýüzlenme kabul etdiler. Onda milli medeniýeti ösdürmek, ýurdumyzda döredijilik bilen meşgullanmak we döwletara ynsanperwer hyzmatdaşlyk üçin ähli amatly şertleri döretmek baradaky aladasy, bu forumy ýokary derejede geçirmek babatda döredilen mümkinçilikler üçin tüýs ýürekden hoşallyk beýan edilýär.
Köpöwüşginli baýramçylyk konsertiniň maksatnamasy türkmen halkyny täze zähmet ýeňişlerine hem-de döredijilik ylhamyna ruhlandyrýan sungatyň beýik güýjüne sena bolup ýaňlandy.
