6-njy maýda sanly ulgam arkaly geçirilen Ministrler Kabinetiniň nobatdaky mejlisinde milli ykdysadyýetimiziň pudaklarynda şu ýylyň dört aýynda ýerine ýetirilen işleriň jemi jemlendi.
Mejlisde Ministrler Kabinetiniň Başlygynyň orunbasary Ç.Purçekow öz hasabatynda ýylyň başyndan bäri Energetika ministrligi tarapyndan önümleri öndürmegiň we işleri ýerine ýetirmegiň meýilnamasynyň 133,6 göterim berjaý edilendigini habar berdi.
Hormatly Prezidentimiz hasabaty diňläp, ýurdumyzyň içinde energetika halkasyny döretmek we Türkmenistan — Owganystan — Pakistan ugry boýunça elektrik geçiriji ulgamy çekmek işlerini dowam etmek barada tabşyryklary berdi.
