Gahryman Arkadagymyz, Hormatly il ýaşulusy Gurbanguly Berdimuhamedowyň «Ömrümiň manysy» atly täze kitaby çapdan çykdy diýip, Döwlet habarlar agentligi ýazýar.
29-njy aprelde Döwlet medeniýet merkeziniň Mukamlar köşgünde täze kitabyň tanyşdyrylyş dabarasy geçirildi. Dabara: Milli Geňeşiň ýolbaşçylary, Ministrler Kabinetiniň Başlygynyň orunbasarlary, harby we hukuk goraýjy edaralaryň, ýurdumyzyň ministrlikleriniň we pudaklaýyn dolandyryş edaralarynyň, jemgyýetçilik guramalarynyň ýolbaşçylary, ýokary okuw mekdepleriniň rektorlary, professor-mugallymlary, talyplary hem-de köpçülikleýin habar beriş serişdeleriniň wekilleri gatnaşdylar.
Bu ýerde çykyşlar diňlenip, ýurdumyzyň meşhur aýdym-saz we döredijilik toparlarynyň çykyşlary, köpugurly sergi ýaýbaňlandyryldy.
