OPEK-niň Baş sekretary Mohammed Sanusi Barkindo Aşgabatda geçirilýän Halkara nebitgaz forumynda wideoýüzlenme bilen çykyş etdi. OPEK-niň Baş sekretary Nebiti eksport ediji döwletleriň guramasynyň 2045-nji ýylda bir günüň dowamynda uglewodorod energiýa çeşmeleriniň sarp edilişiniň nebitiň 270 trillion barreline çenli artjagyny çaklaýandygyny nygtady. Bu barada «Turkmenportal» web saýty habar berýär.
Halkara guramanyň ýolbaşçysynyň bellemegine görä, dünýäde nebit önümlerine bolan talap ilatyň sanynyň artmagy, senagat pudaklarynyň we awtomobil önümçiliginiň ösmegi bilen has-da ýokarlanar.
Häzirki wagtda OPEK-iň iş ugry tebigy çeşmeleri gazyp almak ulgamynda durnuklylygy we dowamlylygy üpjün etmäge gönükdirilendir.
Dünýä jemgyýetçiliginiň howpsuz energiýa çeşmelerine geçmek başlangyjyny goldamagy zerur we bu durnukly dünýäniň girewidir diýip, Barkindo çykyşynda belledi.
