Belarus Respublikasynyň Prezidenti Aleksandr Lukaşenko Serdar Berdimuhamedowy Türkmenistanyň Prezidenti wezipesine girişmegi mynasybetli gutlady. Bu Gutlag haty «Türkmenistan» gazetinde çap edildi.
Prezident Aleksandr Lukaşenkodan gelen hat: «Belarus halkynyň adyndan we hut öz adymdan Sizi Türkmenistanyň Prezidenti wezipesine girişmegi¬ňiz bilen gutlaýaryn» diýen sözler bilen başlaýar.
Belarus Lideri öz hatynda Garaşsyzlyk ýyllarynda ýola goýlan ikitaraplaýyn gatnaşyklaryň pugta binýadynyň Minskä we Aşgabada özara bähbitli hyzmatdaşlygy mundan beýläk-de gi¬ňeltmegiň ýolunda üstünlikli öňe gitmäge mümkinçilik berjekdigine ynam bildirýär.
Şeýle hem hatda bellenilişi ýaly, Belarus Türkmenistan bilen syýasy gatnaşyklary işjeň¬leşdirmäge, halkara guramalaryň çäklerindäki hyzmatdaşlygy pugtalandyrmaga we söwda-ykdysady hem-de ynsanperwer gatnaşyklary gi¬ňeltmäge gyzyklanmalaryny tassyklaýar.
Belarus halkynyň Lideri hatynyň ahyrynda hormatly Prezidentimiz Serdar Gurbangulyýewiç Berdimuhamedowa berk jan saglyk, abadançylyk, mähriban ýurdu¬myzyň ösüşiniň bähbidine täze üstünlikleri, türkmen halkyna bolsa parahatçylyk, agzybirlik we rowaçlyk arzuw edýär.
