Koreýa Respublikasynyň Prezidenti Türkmenistanyň Prezidentini diplomatik gatnaşyklaryň 30 ýyllygy bilen gutlady

Şu gün — 7-nji fewralda Türkmenistan bilen Koreýa Respublikasynyň arasynda diplomatik gatnaşyklaryň ýola goýulmagyna 30 ýyl bolýar. Şanly sene mynasybetli Koreýa Respublikasynyň Prezidenti Mun Çže In Türkmenistanyň Prezidenti Gurbanguly Berdimuhamedowa gutlag hatyny berdi. Onda şeýle setirler bar:

Onuň Alyhezreti, Türkmenistanyň Prezidenti

jenap Gurbanguly Berdimuhamedowa

Siziň Alyhezretiňiz!

Koreýa Respublikasy bilen Türkmenistanyň arasynda diplomatik gatnaşyklaryň ýola goýulmagynyň 30 ýyllygy mynasybetli Siziň Alyhezretiňize hem-de türkmen halkyna tüýs ýürekden arzuwlarymy beýan edýärin.

1992-nji ýylyň 7-nji fewralynda biziň ýurtlarymyzyň arasynda diplomatik gatnaşyklaryň ýola goýlan pursadyndan başlap syýasat, ykdysadyýet, medeniýet ýaly ugurlarda hyzmatdaşlygyň durnukly ösdürilýändigi kanagatlanma duýgusyny döredýär, 2008-nji ýyldan bäri bolsa dürli ulgamlarda özara bähbitli oňyn hyzmatdaşlyk işjeň ösdürilýär.

2019-njy ýylyň aprel aýynda Türkmenistana amala aşyran saparymyň netijesinde ikitaraplaýyn gatnaşyklaryň täze derejä çykandygyna şatdyryn. Siziň bilen bilelikde baryp gören Gyýanlydaky gazhimiýa zawody bolsa iki ýurduň hem möhüm üstünligidir we hyzmatdaşlygy giňeltmek üçin uly binýatdyr.

Bu senäniň — diplomatik gatnaşyklaryň ýola goýulmagynyň 30 ýyllygynyň netijeli hyzmatdaşlygy giňeltmäge, ýurtlarymyzyň we halklarymyzyň arasynda özara düşünişmek hem-de dostluk gatnaşyklaryny ösdürmäge täze kuwwat berjekdigine umyt bildirýärin.

Siziň Alyhezretiňize berk jan saglyk we bagt, Türkmenistana bolsa abadançylyk baradaky iň gowy arzuwlarymy beýan edýärin.

Mun Çže In,

Koreýa Respublikasynyň Prezidenti.

Täzelikler

2025-01-17 / Syýasy

Türkmenistan Tähranda geçiriljek gaýtadan dikeldilýän energetika boýunça halkara sergisine gatnaşmaklyga çagyryldy

2025-01-13 / Syýasy

Yslamabatda Türkmenistanyň ulag we energiýa pudagyndaky hyzmatdaşlygy boýunça çykyş edildi

2024-12-25 / Syýasy

Türkmenistanyň Prezidenti GDA-nyň döwlet Baştutanlarynyň resmi däl sammitine gatnaşdy

2024-12-17 / Syýasy

Türkmenistanyň Daşary işler ministrliginde Eýranyň energetika ministri bilen duşuşyk geçirildi

2024-12-09 / Syýasy

Owganystan we Türkmenistan elektrik üpjünçiligi şertnamasyny 2025-nji ýyla çenli uzaltdy

2024-12-07 / Syýasy

“Türkmenenergo” döwlet elektroenergetika korporasiýasyna Owganystanyň “Da Afghanistan Breshna Sherkat” kompaniýasy bilen ozal baglaşylan şertnamalara goşmaça ylalaşyklary baglaşmaga ygtyýar berildi

2024-11-19 / Syýasy

Aşgabatda energetika boýunça türkmen-hytaý gepleşikleri geçirildi

2024-11-05 / Syýasy

Türkmenistanda CIET-2024 halkara forumy tamamlandy

2024-11-04 / Syýasy

Aşgabatda CIET-2024 Halkara sergisi açyldy

2024-11-04 / Syýasy

Türkmenistanda umumy kuwwaty 330 kW bolan iki sany täze elektrik bekedi ulanylmaga berildi

Sene boýunça habarlar gözle

Senäni saýla: