Şu gün – 4-nji fewralda Türkmenistanyň Prezidenti Gurbanguly Berdimuhamedowyň baştutanlygyndaky wekiliýet HHR-nyň Başlygynyň çakylygy boýunça Hytaý Halk Respublikasyna sapar bilen bardy.
Saparyň çäklerinde Türkmenistanyň Prezidenti Pekinde XXIV gyşky Olimpiýa oýunlarynyň açylyş dabarasyna gatnaşar.
Türkmenistanyň DIM-niň habar bermegine görä, saparyň dowamynda ýokary derejedäki duşuşygyň geçirilmegine garaşylýar.
Türkmen Lideriniň baştutanlygyndaky wekiliýet Hytaýdan gelenden soňra, üç günlük karantin çärelerini berjaý ederler. Biz bu barada ozal habar beripdik.
