Türkmenistanyň Garaşsyzlygyny we özygtyýarlylygyny berkitmekde, ýurduň ykdysady kuwwatyny pugtalandyrmakda, önjeýli jemgyýetçilik işlerinde uly üstünlikleri gazanandyklary üçin, ösüp gelýän ýaş nesli Watana bolan söýgi we wepalylyk, mertlik, halallyk, ýokary ruhubelentlik sypatlarynda terbiýelemäge goşan uly şahsy goşantlaryny hem-de Garaşsyz Türkmenistanyň we onuň mähriban halkynyň öňünde bitiren hyzmatlaryny, köp ýyllaryň dowamynda çeken halal we yhlasly zähmetini nazara alyp, şeýle hem Bitarap Türkmenistanyň Beýik Garaşsyzlygynyň 30 ýyllyk şanly baýramy mynasybetli Türkmenistanyň Prezidenti Gurbanguly Berdimuhamedowyň gol çeken Resminamasyna laýykylykda, ýurduň şu aşakdaky ady görkezilen raýatlary «Türkmenistanyň Garaşsyzlygynyň 30 ýyllygyna» atly ýubileý medal bilen sylaglandylar.
Türkmenistanyň Söwda we daşary ykdysady aragatnaşyklar ministrliginiň Söwda-kooperatiw mekdebiniň mugallymy Hojamuhammet Muhammedowy, «Altyn nesil» hojalyk jemgyýetiniň alyp baryjy inženeri Kakajan Täşliýewi, «Ýigit» hojalyk jemgyýetiniň esaslandyryjysy Eziz Agamuradowiç Dowranowy, «Ak-gaýa» hojalyk jemgyýetiniň direktorynyň orunbasary Şamurat Hojamowiç Apowowy, Balkan welaýatyndan telekeçi Myratdurdy Sapardurdyýewiç Näzliýewi, «Uly ynam» daýhan hojalygynyň esaslandyryjysy Merdan Baýramdurdyýewiç Atdaýewi, Türkmenistanyň Senagatçylar we telekeçiler birleşmesiniň Lebap welaýaty boýunça bölüminiň müdiri Şöwket Ýagmyrowiç Kerimberdiýewi, Lebap welaýatyndan telekeçi Alym Gurbandurdyýewiç Joraýewi, «Erkin gurluşyk» hususy kärhanasynyň esaslandyryjysy Toýly Erkinowiç Çaryýewi, Mary welaýatyndan telekeçi Guwançmyrat Tirkişowiç Orazowy.
