Kuweýt Türkmenistan bilen hususy pudakda hyzmatdaşlygy ösdürmäge gyzyklanma bildirýär

Kuweýtiň Söwda-senagat edarasynyň baş direktorynyň orunbasary Firas Al-Ouda energetika, nebit-himiýa, dokma senagaty hem-de gurluşyk materiallaryny öndürmek boýunça ýurduň hususy pudagy üçin gyzyklanma döredýän ugurlar bolup durýandygyny nygtady we bu ugurlar boýunça hyzmatdaşlykda Türkmenistanyň strategik ähmiýetini belledi. Bu barada Firas Al-Ouda duşenbe güni El-Kuweýt şäherinde Türkmenistanyň Söwda-senagat edarasynyň başlygy Mergen Gurdowyň ýolbaşçylygyndaky türkmen wekiliýeti bilen geçirilen duşuşykda beýan etdi.

“KUNA” neşiriniň habar bermegine görä, Al-Ouda ykdysady hyzmatdaşlygyň täze ugurlaryny açmagyň hem-de Türkmenistan bilen hyzmatdaşlygy berkitmegiň zerurdygyny nygtady.

Kuweýtiň Söwda-senagat edarasynda türkmen ykdysady wekiliýetiniň hormatyna guralan kabul edişlikde Al-Ouda çykyş edip, ol bu duşuşygyň iki ýurduň kompaniýalarynyň arasynda göni işewür gatnaşyklaryny ýola goýmak, bilelikdäki taslamalary höweslendirmek hem-de uzak möhletleýin hyzmatdaşlygy döretmek üçin amaly meýdança bolup hyzmat edýändigini aýtdy.

Türkmenistanyň Söwda-senagat edarasynyň başlygy Mergen Gurdow öz gezeginde Kuweýt Söwda-senagat edarasy bilen hyzmatdaşlyk boýunça teswirnama gol çekmäge hem-de degişli düzümler bilen gatnaşyklary ösdürmäge ýurduň gyzyklanma bildirýändigini mälim etdi. Şeýle-de ol Aýlag ýurtlarynyň bazarlaryna çykmakda Kuweýtiň strategik taýdan ähmiýetlidigini nygtady.

Duşuşygyň çäklerinde türkmen harytlaryna, syýahatçylyk desgalaryna, senagat kärhanalaryna hem-de ýurduň tehnologik kompaniýalaryna bagyşlanan multimediýa tanyşdyrylyşy geçirildi.

Täzelikler

2026-11-06 / Syýasy

Türkmenistan daşary ýurt kompaniýalary bilen maglumatlary işläp taýýarlaýyş merkezlerini döretmek meselesini ara alyp maslahatlaşýar

2026-10-20 / Syýasy

«OGT 2026» halkara forumuna hasaba alyş tamamlandy: 75 ýurtdan 1700-den gowrak wekiliň gatnaşjakdygy tassyklanyldy

2026-09-30 / Syýasy

TOPH taslamasynyň Serhetabat–Hyrat böleginiň gurluşygyny şu ýyl tamamlamak meýilleşdirilýär

2026-09-15 / Makalalar

GARAŞSYZLYK BAGTYMYZYŇ GÖZBAŞY

2026-09-09 / Makalalar

ÝURDUMYZYŇ BILIM ULGAMYNYŇ BAÝRAMY

2026-09-08 / Syýasy

Türkmenistan «Energetika kodeksini» işläp taýýarlamagy teklip edýär

2026-08-28 / Syýasy

Prezident Serdar Berdimuhamedow Nepaldaky tebigy betbagtçylyk zerarly gynanç bildirdi

2026-08-26 / Syýasy

Türkmenistanyň Prezidentiniň Astanada geçiriljek Akaba prosesiniň mejlise gatnaşmagyna garaşylýar

2026-08-13 / Syýasy

Türkmen halkynyň Milli Lideri Owganystanda TOPH we TOP taslamasyna garady

2026-07-29 / Makalalar

“TÜRKMENISTANYŇ HALK MASLAHATY - BEÝIK ÖSÜŞLERIŇ RÖWŞEN GELJEGI” ATLY MASLAHAT GEÇIRILDI

Sene boýunça habarlar gözle

Senäni saýla: