«Awazada» milli syýahatçylyk zolagynda Türkmenistanyň Maýa goýum forumy («TIF2025») öz işine başlady. Forumyň maksady ýurduň ykdysadyýetine maýa goýumlaryny çekmekden ybaratdyr. Çäre 18-19-njy sentýabr aralygynda geçirilýär.
Forumyň başynda Türkmenistanyň maliýe we ykdysadyýet ministri Mämmetguly Astanagulow Türkmenistanyň Prezidenti Serdar Berdimuhamedow tarapyndan gatnaşyjylara iberilen Gutlag hatyny okap berdi.
Guramaçylaryň bellemeklerine görä, «TIF2025» forumy 45 ýurtdan 800-den gowrak wekili bir ýere jemledi. Olaryň arasynda ýokary wezipeli döwlet işgärleri, dünýäniň işewür kompaniýalarynyň ýolbaşçylary we öňdebaryjy halkara guramalaryň wekilleri bar.
Üç günläp Awaza halkara hyzmatdaşlygynyň merkezine öwrüler. Forumyň dowamynda gatnaşyjylara Türkmenistanyň energetika, infrastruktura, logistika, maliýe we innowasiýa ugurlaryndaky maýa goýumlar üçin taýýarlanylan taslamalary hödürleniler.
