Aşgabatda 23-25-nji oktýabr aralygynda “Türkmenistanyň nebiti we gazy-2024” (OGT-2024) halkara maslahaty we sergisi geçiriler. Çäre energetika pudagynyň durnukly ösüşine we Türkmenistanyň nebit-gaz pudagyna göni daşary ýurtly maýa goýumlarynyň çekilmegine gönükdirilen sebit dialogynyň pugtalandyrylmagy üçin meýdança bolup, ol dünýä energetikasynda soňky tendensiýalar barada maglumatlary hödürlär.
Bu Maslahatyň kümüş hyzmatdaşlaryň biri hökmünde Günorta Koreýanyň Hyundai Engineering Co., Ltd. kompaniýasy çykyş edýär. 2009-njy ýylda işlenilip taýýarlamalary başlanan Türkmenistanyň tebigy gazynyň iň iri ýataklarynyň biri bolan “Galkynyş” gaz käniniň özleşdirilmegine bu kompaniýanyň gatnaşmagy onuň Maslahatda möhüm ornuny kesgitleýär. Hyundai Engineering Co., Ltd. kompaniýasy bu taslamanyň çäginde gazyň kükürt arassalama zawodynyň gurluşygyna öz goşandyny goşdy.
Kompaniýa Türkmenistanda güýçli depginde işini dowam etdirmek bilen, nebiti gaýtadan işleýän taslamalara işjeň gatnaşýar. Türkmenbaşynyň nebiti gaýtadan işleýän zawodlar toplumynda LG International Corporation kompaniýasy bilen hyzmatdaşlykda täze tehnologiýa ugurlaryornaşdyryldy. Gyýanly şäherçesinde gaz-himiýa toplumynyň gurulmagy Türkmenistan bilen hyzmatdaşlygyň aýdyň nusgasydyr. Taslamanyň umumy bahasy 3,4 mlrd amerikan dollara barabar boldy. Zawod Ýewropanyň we Ýewraziýanyň ekologiýa taýdan arassa tasalamalarynyň biri boldy.
