Türkmenistanyň öňdebaryjy döwlet konsernleri bilen himiýa-gaz senagaty, ulag, suw hojalygy ýaly ugurlar boýunça ýapon kompaniýalarynyň arasynda gol çekilen resminalaryň toplumy Türkmenistanyň we Ýaponiýanyň şertnama-hukuk binýadynyň üstüni ýetirdi. Olara Tokioda geçirilen Ykdysady hyzmatdaşlyk boýunça bilelikdäki türkmen-ýapon we ýapon-türkmen komitetleriniň nobatdaky 14-nji mejlisiniň çäklerinde gol çekildi diýip, Türkmenistanyň DIM-niň metbugat gullugy habar berýär.
Gepleşiklerde türkmen wekiliýetine wise-premýer, daşary işler ministri Raşid Meredow ýolbaşçylyk etdi.
Gepleşiklerde bilim we saglygy goraýyş ulgamyndaky hyzmatdaşlygy giňeltmäge aýratyn üns berildi.
Bilelikdäki mejlisiň netijeleri boýunça Teswirnama gol çekildi.
