19-njy iýulda Jidda şäherinde Aýlag döwletleriniň hyzmatdaşlyk geňeşiniň we Merkezi Aziýa döwletleriniň sammiti geçiriler diýip, «Orient» «Saudi Gazette» internet-neşirine salgylanmak bilen habar berýär.
Geçen ýylyň awgust aýynda Türkmenistan we Aýlagdaky Arap döwletleriniň hyzmatdaşlyk geňeşi Aşgabatda Özara düşünişmek hakynda Ähtnama gol çekdiler, ol, ilkinji nobatda, söwda-ykdysady ulgamda, energetika, suw üpjünçiligi we azyk howpsuzlygy pudaklarynda özara gatnaşyklary işjeňleşdirmäge gönükdirilendir.
Aýlagdaky Arap döwletleriniň hyzmatdaşlyk geňeşi – alty sany arap döwletini: Bahreýni, Katary, Kuweýti, Birleşen Arap Emirliklerini, Omany we Saud Arabystanyny öz içine alýan sebitleýin guramadyr diýlip, çeşmede bellenilýär.
